Awtomobil brendi Porsche italýan kofemaşyn öndürijisi La Marzocco bilen bilelikde espresso-maşynyň çäkli tapgyryny hödürledi. Ol bary-ýogy sekiz sagatda satylyp gutardy diýip, “Awtopilot” habar berýär.
Porsche x La Marzocco Linea Micra adyny alan eksklýuziw model iki dizaýn görnüşinde çykaryldy.
Meşhur Porsche 911 Carrera RSR awtomobilini ýada salýan Slate Grey reňkindäki birinji modeliň bahasy 6,5 müň dollar. Martini Racing ýaryş liwreýasynyň stilinde ýerine ýetirilen ikinji görnüş 7 müň dollar bilen bahalandyryldy.
Deňeşdirmek üçin, Porsche bilen baglanyşykly bolmadyk adaty Linea Micra modeliniň bahasy 3,9 müň dollara barabar.
Kofemaşyn iki boýlerden, termoizolirlenen bug turbasyndan we rotasion pompadan ybarat. Ýörite wersiýa tahometr stilindäki awtomobil basyş indikatory we Porsche sportkarlaryndaky režim selektoryna meňzeş öwürme tutary bilen tapawutlanýar.
