1-nji noýabrda “Türkmen manady — ýurdumyzyň durnukly ösüşiniň nyşany” atly ylmy-amaly maslahat geçiriler. Türkmenistanyň Merkezi banky tarapyndan geçiriljek bu maslahat milli manadyň dolanyşyga girizilmeginiň 31 ýyllygyna bagyşlanar. Maslahata görülýän taýýarlyk işleri barada wise-premýer H.Geldimyradow Hökümet mejlisinde hasabat berdi. Bu barada TDH habar berýär.
Maslahatyň gün tertibine milli manadymyzyň dolanyşyga girizilmegi netijesinde ýurdumyzyň gazanan ykdysady üstünlikleri, milli pul-karz syýasatynyň durmuşa geçirilişi, sanly tehnologiýalary ornaşdyrmak arkaly döwrebap bank hyzmatlaryny hödürlemek, elektron tölegler ulgamyny kämilleşdirmek, halkara maliýe guramalary bilen hyzmatdaşlyk etmek bilen baglanyşykly meseleler giriziler.
Foruma ugurdaş ministrlikleriň, pudaklaýyn dolandyryş we bank edaralarynyň, ýokary we ýörite orta okuw mekdepleriniň wekilleri gatnaşarlar.
