24-nji oktýabrda FIFA milli ýygyndylaryň sanawyny täzeledi. Reýtingde Türkmenistanyň milli ýygyndysy iki setir aşak düşüp, 144-nji orunda ýerleşdi. Onuň hasabynda 1065.42 utuk bar.
Reýtingiň ilkinji onlugynda hem üýtgeşmeler bolup geçdi. Ozal 7-nji orny eýeleýän Niderlandlar bir setir aşak düşüp, Portugaliýa bilen ornuny çalyşdy. Şeýle-de, sanawda Kolumbiýa öz ornuny ýitirdi. Indi ol 9-njy orunda ýerleşmän, 1724.37 utuk bilen ilkinji onlugy jemleýär. Ýygyndynyň ornuny Italiýa eýeledi.
Reýtingiň ilkinji onlugy şeýle görnüşde:
- Argentina – 1883.5.
- Fransiýa – 1859.85.
- Ispaniýa – 1844.33.
- Angliýa – 1807.83.
- Braziliýa – 1784.37.
- Belgiýa – 1761.27.
- Portugaliýa – 1752.68.
- Niderlandlar – 1748.24.
- Italiýa – 1729.4.
- Kolumbiýa – 1724.37.
Reýtingde Komorlaryň milli ýygyndysy uly ösüş görkezdi. Ol 1185,98 utuk (+26,34) bilen öňki 118-nji ornundan 10 setir ýokary galdy we häzir 108-nji orunda ýerleşýär. Iň köp utuk gazanan ýygyndy Botswana boldy (+38.3), ol 7 setir ýokary galdy we 140-njy orny eýeleýär. Reýtingde has pese düşen ýygyndy bolsa Tunis boldy. Ýurduň milli ýygyndysy 11 setir – 47-nji orna düşdi. Milli ýygyndylaryň arasynda Kabo Werdeniň topary iň köp utuk ýitirip (-38.3), 7 setir aşak düşdi we indi 72-nji orny eýeleýär.
