Dünýä ýüzünde norowirusa garşy ilkinji sanjymyň kliniki synaglary Beýik Britaniýada başlandy. Keseliň juda ýokançdygy, ýürek bulanma we içgeçme ýaly agyr alamatlary döretmäge ukyplydygy mälimdir.
Norowirus her ýyl 685 million kesel döredýär. Wirus ýokuşan adamlaryň köpüsi birnäçe günüň içinde aýaga galdyrylýar, ýöne garrylarda, ýaş çagalarda we immuniteti gowşak adamlarda bu kesel agyr geçýär. Wirus dünýäde her ýyl 200 müň adamyň ölümine sebäp bolýar diýip, “The Guardian” ýazýar.
Taslamanyň esasy barlagçysy doktor Patrik Mur häzirki wagtda wirusa garşy sanjymlaryň ýokdugyny aýtdy. Bejergi, adatça, elektrolit derejesini dikeltmäge gönükdirilen goldawyň ýardamy bilen çäklenýär.
Täze mRNK sanjymy immunitet ulgamyna antikorlaryň öndürilmegini höweslendirip, norowirusy tanamagy we oňa garşy göreşmegi "öwredýär". Derman ýokançlyga garşy göreşde möhüm ädim bolup biler.
Bu gözleg işler Ýaponiýa, Kanada we Awstraliýa ýaly ýurtlarda iki ýyl dowam eder we 25 müň sany uly ýaşly gatnaşyjyny öz içine alar (60 ýaşdan uly ýaşlylary hem goşmak bilen).
