Türkmenistanyň Russiýa Federasiýasyndaky ilçisi Esen Aýdogdyýew RF-niň Garaşsyz Döwletleriň Arkalaşygynyň, daşary ýurtlarda ýaşaýan watandaşlaryň işleri we halkara ynsanperwer hyzmatdaşlygy boýunça Federal agentligiň ýolbaşçysy Ýewgeniý Primakow bilen duşuşdy. Bu barada Türkmenistanyň diplomatik wekilhanasy habar berdi.
Duşuşykda söhbetdeşler ynsanperwer hyzmatdaşlygy babatynda ikitaraplaýyn gatnaşyklary güýçlendirmek meselelerine garadylar. Primakow döwletara ynsanperwer ugurdaky gatnaşyklaryň ösüşine ýokary baha berdi.
Söhbetdeşligiň dowamynda ilçi Aýdogdyýew Moskwada Magtymguly Pyragynyň heýkeliniň açylmagy, 11-nji oktýabrda Aşgabatda geçirilen birnäçe döwlet ýolbaşçylarynyň gatnaşmagynda geçirilen üstünlikli «Döwürleriň we siwilizasiýalaryň özara arabaglanyşygy – parahatçylygyň we ösüşiň binýady» atly halkara derejeli forum, Russiýa Federasiýasynyň Türkmenistandaky Medeniýet günleri barada belläp geçdi.
