Ferrari täze F80 superkaryny hödürledi. Bu üýtgeşik model çäkli nusgada - 799 awtoulag çykar. Olaryň her biriniň başlangyç bahasy 3,6 million ýewro diýip, IT Home habar berýär.
Ferrari F80 iň täze tehnologiýa bilen enjamlaşdyrylan we 1000 kg basgyç güýji öndürmek üçin uglerod süýümli şassisi, işjeň ganaty, yzky diffuzory we öňdäki spoýleri bar. Adaptasiýa podweskasy bolup, ýokary tizlikde dolandyrylyşyny gowulandyrýar.
Superkaryň kuwwaty gibrid ulgamyň we 900 at güýji öndürýän 3,0 litrlik V6 F163CF hereketlendirijisiniň kömegi bilen 1200 at güýjüne ýetýär. 800W elektrik ulgamy bu konfigurasiýanyň üstüni ýetirýär.
Awtoulag täze 8 tizlikli goşa klawişli geçiş we elektrik turbo güýçlendiriji ulgam (e-turbo) bilen enjamlaşdyrylandyr.
Awtoulagyň tehniki häsiýetnamasy haýran galdyrýar:
- Iň ýokary tizligi sagatda 350 km;
- Tizlenme 2,15 s-da 0-100 km/sag;
- Tizlenme 5,75 s-da 0-200 km/sag;
Superkar durzuş ulgamynyň (tormoz) hem ýokary netijelerini görkezýär - sagatda 100 km-den doly durýança bary-ýogy 28 metr, sagatda 200 km-den bolsa 98 metr gerek.
Täze ulag 2026-njy ýylyň başynda satylyp başlanar.
