18-nji oktýabrda Los-Anjelesde (ABŞ) Ridli Skottuň köp wagt bäri garaşylýan peplumynyň dowamy bolan “Gladiator 2-niň" ilkinji görkezilişi boldy. Film Kinematografiýa sungaty we ylymlar akademiýasynyň hem-de SAG-yň kärdeşler arkalaşygynyň agzalaryna görkezildi, ilkinji synlar guwandyryjy boldy diýip, Variety ýazýar.
Täze filmde wakalar asyl wakadan (birinji filmdäki wakalardan) 25 ýyl soň bolup geçýär we baş gahryman Kommodanyň ýegeni Lýusiýdir.
Köp tomaşaçylar ekşn-sahnalaryny, filmiň gerimini, Garri Gregson-Uilliamsyň sazyny, şeýle hem aktýorlar düzüminiň ajaýyp işini, esasanam, Pol Meskaldyr Denzel Waşingtony öwýärler.
Bir synçy şeýle ýazdy: “Gladiator 2 diňe bir ýylyň iň gowy filmi bolman, eýsem, taryhda hem iň gowy filmleriň biridir. Bu kino bolan söýgini gaýtaryp berýän filmleriň biridir. Bu garaşylandan has ýokary, aktýorlyk işi ajaýyp (Denzel Waşington hökman ýene bir “Oskar” alar), aýdym-sazy asyl nusgasyndaky ýaly ajaýyp, edebi esasy birkemsiz we ekşn-sahnalar üýtgeşik epiki".
Beýleki tomaşaçylar hem onuň aýdanyny gaýtalaýarlar:
“Rimliler, arkaýyn bolaýyň. “Gladiator 2” diňe Ridli Skottuň surata düşürip biljek ägirt uly kinematografiki eseri. Munda hemme zat ýerbe-ýer".
"Kinonyň taryhynda iň uly ekşn-sahnaly, gerimi boýunça epiki film."
“Gladiator 2-niň” dünýäde ilkinji görkezilişi 15-nji noýabrda kinoteatrlarda bolar we 22-nji noýabrda ABŞ-da görkezilip başlanar.
