Ýewropanyň 5 ligasynda ortaça görkezijisi boýunça möwsümiň iň gowy 10 oýunçysy saýlandy

WhoScored internet portaly häzirki möwsümiň ilkinji aýlarynyň netijesi boýunça Ýewropanyň iň gowy 10 oýunçysynyň sanawyny düzdi. Bu reýtingde birinji orny “Aýntrahtyň” 25 ýaşly müsürli hüjümçisi Omar Marmuş eýeleýär, ol klub üçin ähli ýaryşlarda dokuz oýunda dokuz gol geçirdi we alty assist etdi. Marmuşyň ortaça görkezijisi 8,49 boldy.

Internet portaly boýunça iň gowy 10 oýunçy:

1. Omar Marmuş (“Aýntraht’) – 8,49
2. Bukaýo Saka (“Arsenal”) – 8,25
3. Lamin Ýamal (“Barselona”) – 8,19
4. Erling Holand (“Mançester Siti”) – 8,11
5. Koul Palmer (“Çelsi”) – 7,96
6. Rafinýa (“Barselona”) – 7,93
7. Harri Keýn (“Bawariýa”) – 7,92
8. Usman Dembele (“PSŽ”) – 7,92
9. Florian Wirs (“Baýer”) – 7,91
10. Jowani Lo Çelso (“Betis”) – 7,91

Belläp geçsek, bu reýtingde diňe Angliýanyň Premýer-liga, Fransiýanyň Liga 1, Germaniýanyň Bundesliga, Italiýanyň Seriýa A we Ispaniýanyň La Liga ligalaryndan oýunçylar görkezildi.