16-njy oktýabrda Türkmenistan boýunça “Türkmen keşdeçilik sungaty – milli mirasymyz” atly bäsleşikde SMS arkaly ses bermeklik başlandy. Bu barada türkmen telewideniýesiniň Mahabat müdirligi habar berdi.
3 günläp dowam etjek ses bermekligiň barşynda ýurdumyzyň raýatlaryna bäsleşige hödürlenen keşde nagyşlarynyň arasynda iň gowusyny saýlamak teklip edilýär.
Bäsleşige hödürlenen işleri şu salga basmak arkaly görüp bilersiňiz.
Bäsleşikde halan toparyňa ses bermek üçin 0560 gysga belgisine toparyň san belgisini SMS arkaly ugratmaly.
Bäsleşige gatnaşýan toparlar we olaryň san belgileri:
- Daşoguz welaýatynyň keşdeçileri – 322
- Lebap welaýatynyň keşdeçileri – 422
- Mary welaýatynyň keşdeçileri – 522
- Ahal welaýatynyň keşdeçileri – 137
- Balkan welaýatynyň keşdeçileri – 222
- Arkadag şäheriniň keşdeçileri – 111
- Aşgabat şäheriniň keşdeçileri – 012
Bäsleşigiň jemleýji döwlet tapgyry 19-njy oktýarbrda sagat 10:00-da Türkmenistanyň Jemgyýetçilik guramalarynyň merkezinde geçiriler. Şol ýerde hem ses bermeklik tamamlanar.
Bäsleşik türkmen keşdeçilik sungatynyň ÝUNESKO-nyň Adamzadyň maddy däl medeni mirasynyň sanawyna girizilmegine bagyşlap, Türkmenistanyň Zenanlar birleşiginiň Merkezi Geňeşiniň, Türkmenistanyň Kärdeşler arkalaşyklarynyň Milli merkeziniň, ÝUNESKO-nyň işleri barada Türkmenistanyň Milli toparynyň Sekretariatynyň hem-de Türkmenistanyň Telewideniýe, radiogepleşikler we kinematografiýa baradaky döwlet komitetiniň bilelikde guramaklarynda geçirilýär.
