Ilon Mask we xAI topary bary-ýogy 19 günde 100 müň sany Nvidia H200 Blackwell hasaplaýjy tizlendirijisini gurnady. Nvidia-nyň baş direktory Jensen Huang şuňa meňzeş taslamany amala aşyrmagyň adaty maglumat merkezinde dört ýyl töweregi wagt alýandygyny aýtdy diýip, Tom's Hardware neşiri ýazýar.
Çäräniň gerimine düşünmek üçin, Nvidia-nyň ýolbaşçysy şeýle ýumuş ýerine ýetirilende meýilnamalaşdyrmak üçin üç ýyl, soňky ýylyň bolsa - enjamlary eltmeklige we oturtmaklyga sarp edilýändigini düşündirdi. Huang taslamanyň tizligine we gerimine haýran galyp, Maskyň we onuň toparynyň tagallalaryny "adatdan daşary" diýip atlandyrdy.
“Ilon Mask – adatdan daşary adam. Beýlekileriň azyndan bir ýylda bitirjek işini ol 19 günde etdi" - diýip, Huang belledi.
Gurnama prosesi diňe tizlendirijileri oturtmaklygy öz içine almak bilen çäklenmän, 200 müň grafiki prosessor üçin suwuk sowadyş we elektrik ulgamlary bilen enjamlaşdyrylan täze binanyň gurluşygyny hem öz içine aldy. Enjamlaryň eltilmegi we sazlanyp gurulmagy üçin Tesla-nyň we Nvidia-nyň inženerler toparynyň utgaşykly işi gerek boldy.
Täze gurlan superklasterde enjam gurandan soň, kompaniýa hatda xAI emeli aňynyň ilkinji tälim işini başlamagy hem başardy.
Şeýle hem Huang Nvidia tor infrastrukturasynyň çylşyrymlydygyny belläp, tizlendirijileri birleşdirmegiň adaty maglumat merkezlerindäkä garanyňda has çylşyrymlydygyny nygtady. 100 müň sany H200 wideokartyň birleşdirilmegi "görlüp-eşidilmedik üstünlik" hökmünde häsiýetlendirildi, muny gaýtalamak başga bir kompaniýa bu golaýda başartmasa gerek.
