Apple kameraly akylly äýnek we AirPods çykarmagyň üstünde işleýär

  • 15.10.2024 13:26
  • 3.6k+

Apple akylly äýnek we kameraly AirPods ýaly wizual duýgurlyk ukyby bolan täze enjamlar hataryny giňeltmegiň üstünde işleýär. Bu önümler 2027-nji ýyldan soň peýda bolar.

Hasabatda aýdylmagyna görä, Apple beýleki önümlere ornaşdyrmak arkaly, Apple Vision Pro üçin kompýuter görüş tehnologiýalaryny ösdürmäge goýan millionlarça dollarlyk maýa goýumlarynyň öwezini dolmak isleýär.
Bloomberg-iň seljerijisi Mark Gurmanyň sözlerine görä, täze akylly äýnek Meta kompaniýasy tarapyndan Ray-Ban bilen hyzmatdaşlykda döredilen meşhur Ray-Ban Meta Smart Glasses-e meňzär. Geljekki akylly äýnek kameralar, dinamikler we mikrofonlar bilen enjamlaşdyrylar, ýöne üsti ýetirilen hakykatyň doly derejeli enjamlaryna öwrülmez. Linzalaryň gündizine Gün ýagtysyndan goraýja öwrülip, daşky gurşawa uýgunlaşmagyna garaşylýar. Siri üçin goldawy hem bolmagy mümkin we kiçi proýektor ulanyjynyň gözüniň öňünde howa, meýilnamalaşdyryjy, nawigator we ş.m. maglumat gurallaryny görkezip biler.
Meta akylly äýnegini 299 dollara satýar, şonuň üçin, megerem, Apple-iň gajetiniň bahasy hem edil şonuň ýaly bolar.


Mundan başga-da, insaýderiň sözlerine görä, Apple kameraly AirPods-y işläp taýýarlaýar. Gulaklyklar daş-töweregini okap bilerler, bu görüş ukyby çäkli adamlar üçin aýratyn peýdaly bolar. Şeýle-de bolsa, bu gulaklyklara kameralaryň näme üçin gerekdigi entek belli däl. Apple olaryň bolmagyny Apple Intelligence-iň AI funksiýalary bilen baglanyşdyrar diýlip çaklanylýar.


şu gün 13:20
150

Apple kompaniýasy iOS 26-a jaňlary häzirki wagtda EA arkaly terjime etmek we Genmoji funksiýalaryny goşar

Apple kompaniýasy 2025-nji ýylyň WWDC konferensiýasynda täze önümleriniň birnäçesini, şol sanda iOS 26-ny tanyşdyrdy. Bloomberg agentliginiň analitigi Mark Gurmanyň maglumatlaryna görä, kompaniýa bu gezek esasan emeli aňly täze mümkinçiliklere üns berdi...

şu gün 12:18
276

WhatsApp iOS-da emeli aň esasly şahsy çat-botlary synag edýär

WhatsApp messenjeriniň işläp düzüjileri täze funksiýany – emeli aň esasynda şahsylaşdyrylan çat-botlary döretmek mümkinçiligini synag edip başladylar. Bu barada «WABetaInfo» portaly habar berýär. Täzelik iOS operasion ulgamynda işleýän enjamlara degişli...

08.06.2025 17:37
1.4k+

Apple AirPods nauşniklerine kamerany dolandyrmak mümkinçiligini we uky detektoryny goşar

Apple kompaniýasy AirPods nauşnikleri üçin uly täzelenme taýýarlaýar. The Verge-iň maglumatlaryna görä, nauşnikleriň kömegi bilen iPhone ýa-da iPad kamerasyny dolandyryp bolar. Ulanyjylar AirPods-yň “aýagyna” basyp, surata düşürip biler...

06.06.2025 16:00
3.5k+

Apple-iň millionlarça gurluşynda YouTube işlemegini bes etdi

YouTube iOS üçin programmany 20.22.1 wersiýa çenli täzeledi. Indi ony gurnamak üçin iOS 16 ýa-da has täze operasion ulgam gerek diýip, MacRumors habar berýär. Bu täzelenme sebäpli programma 15-nji wersiýadan ýokary iOS-y goldamaýan köne iPhone modellerinde işlemegini bes etdi...