Russiýaly boksçy Artur Beterbiýew ýarym agyr agramda boks boýunça absolýut dünýä çempiony tituly ugrundaky söweşde watandaşy Dmitriý Biwoly ýeňdi. Söweş Er-Riýadda geçirilip, 12 raund dowam etdi.
Tutluşyk emin agzalarynyň aglabasynyň karary bilen 114-114, 115-113, 116-112 hasabynda Beterbiýewiň peýdasyna tamamlandy.
Bellenilişi ýaly, Er-Riýaddaky Riyadh Season festiwalynyň çäklerinde geçen söweş üçin iki boksçy hem, takmynan, 10 mln dollar gazanar.
Beterbiýew ýeňilmän galýar. Häzirki ýeňiş onuň üçin professional karýerasynda 21-nji boldy, ýöne Biwol bilen söweşden öň Beterbiýew ähli tutluşyklaryny nokaut bilen tamamlady.
Biwol professional karýerasynda ilkinji ýeňlişine sezewar boldy. Onuň hasabynda 23 ýeňiş bolup, şolaryň 12-sinde nokaut arkaly ýeňiş gazandy.
Şeýlelikde, Artur Beterbiýew 2003-nji ýylda amerikaly Roý Jons agyr agrama geçmegi sebäpli tituldan ýüz öwürenden bäri ýarym agyr agramda ilkinji absolýut çempion boldy.
Sports.ru portalynyň belleýşi ýaly, 39 ýaşly Beterbiýew boks boýunça iň uly ýaşly absolýut dünýä çempionydyr. Şeýle-de, ol dört guşak döwründe Russiýadan ilkinji absolýut dünýä çempiony boldy.
