30 günde 30 marafon: britaniýaly meýletinçi keselli adamlara kömek etmek üçin özüni synaýar

  • 11.10.2024 11:43
  • 3.6k+

33 ýaşly britaniýaly Maýk Hamfri 30 dürli ýurtda 30 günde 30 marafony ylgamagy maksat edindi.

Reuters agentliginiň habar bermegine görä, onuň bu “synagynyň” esasy maksady adamlary hereket etmek mümkinçiliginden mahrum edýän we ölüme sebäp bolýan seýrek kesel bolan hereketlendiriji neýron keselini öwrenmek üçin serişde toplamakdyr.
Hamfri bu marafonlary alty aýa bölmek ýa-da goldaw toparyny ýanyna almak teklibinden ýüz öwürdi. Ol bu synagy özbaşdak we häzir geçmek isleýär.
Onuň syýahaty Barselonada başlady, ol 42 km geçip, suwa düşenden soň, Andorra tarap ugrady, bu ýerde-de ýene bir marafon aralygyny geçdi. Hamfri öz üstünligini sosial ulgamlarda görkezip, adamlary özüniň haýyr-sahawat kampaniýasyna goldaw bermäge ruhlandyrýar.
Hamfri muny dosty Kreýgde hereketlendiriji neýron keseli ýüze çykarylandan soň etmek kararyna geldi. Ýene bir dosty Karl 2013-nji ýylda bu keselden aradan çykdy. Hamfri keseliň höküm bolmagyny bes etmek üçin kömek etmegiň usulyny tapmak isleýär.

“Eger men bu meselä jemgyýetçiligiň ünsüni çekip bilsem, serişde has köp bolar. Belki, bu keseliň dermany-da uzakda däldir” – diýip, ol umyt bildirýär.

Marafon ylgawynyň bäşinji gününde, Kanndaky we Monakodaky ylgawlardan soň Hamfri GoFundMe haýyr-sahawat platformasynda eýýäm 10 müň dollardan gowrak serişde ýygnady. Onuň tutanýerliligi we çydamlylygy dünýädäki adamlary ruhlandyrýar.


21.06.2025 11:41
10k+

Beýik Britaniýadaky bir obany tawus guşlary eýeledi

Beýik Britaniýadaky Hibaldstou obasyny tawus guşlary eýeledi. Guşlar awtomobillere hüjüm edip, özleriniň aýnadaky keşplerine haýbat atýar. Olar baglyklara we mazarlara zeper ýetirýär, şeýle-de ýiti sesleri bilen ýerli ýaşaýjylary biynjalyk edýär diýip, The Telegraph habar berýär...

08.06.2025 21:09
4.7k+

Beýik Britaniýada Uilýam Terneriň bir ýarym asyr mundan öň ýitirilen suraty tapyldy

Beýik Britaniýada iňlis suratkeşi Uilýam Terneriň 150 ýyl bäri hiç hili maglumat bolmadyk suraty tapyldy. Bu tapyndy barada Sotheby’s auksion öýüne salgylanyp, BBC News we The Guardian habar berýär. Ýagly reňk bilen çekilen surat “Göterilýäm harasat” (The Rising Squall) diýlip atlandyrylýar...

08.06.2025 10:50
15k+

Britaniýaly adam göwreli gelne halaýan tagamyny eltip bermek üçin uçarda 1600 km geçdi

Britaniýaly bir adam öz doganynyň göwreli aýalyny halaýan tagamy – Beýik Britaniýada meşhur bolan büzmeçli hamyr bilen begendirmek üçin uçarda 1600 km ýol geçdi. Bu barada Mirror neşiri habar berýär. Är-aýal Loren we Jeými Niland Portugaliýada dynç alyşdady...

07.06.2025 23:31
9.6k+

Dewid Bekhem rysar derejesine eýe bolar

Angliýanyň öňki futbolçysy Dewid Bekhem geljek hepde rysar bolar diýip, The Times we BBC Sport habar berdi. Bekhemiň ady iýun aýynyň ortalarynda çap ediljek resmi sylag sanawynda peýda bolar. Ol Beýik Britaniýanyň Patyşasy Çarlz III-niň, adatça monarhyň hakyky doglan senesine gabat gelmeýän, resmi doglan gününe gabatlanýar...