Nobel komiteti edebiýat boýunça baýragyň laureatyny yglan etdi. Şu ýyl baýrak “taryhy şikeslere garşy durýan we adamzat durmuşynyň gowşaklygyny açyp görkezýän baý şahyrana prozasy” üçin Günorta Koreýadan Han Gana berildi.
“Edebiýat boýunça baýragyň laureaty Han Ganyň adatdan daşary durmuş wakalaryna fiziki duýgudaşlygy barha täsirli metafora stili bilen güýçlendirilýär” – diýip, Şwesiýa akademiýasynda bellenildi.
Han Gan 53 ýaşynda. Ol ýazyjy Han Synwonyň gyzy. Onuň dogany Han Dollim hem meşhur ýazyjy.
Han Gan “Seniň sowuk elleriň” (2002), “Grek diliniň sapaklary” (2011), “Ynsan etmişleri” (2014) we “Men hoşlaşmaýaryn” (2021) romanlarynyň awtorydyr, ýöne ol “Wegetarian” romany (2007) bilen uly meşhurlyk gazandy. Bu kitap üçin 2016-njy ýylda Halkara Buker baýragynyň eýesi boldy.
11-nji oktýabrda Osloda parahatçylyk boýunça Nobel baýragynyň laureaty yglan ediler, 14-nji oktýabrda bolsa Alfred Nobeliň hatyrasyna ykdysadyýet boýunça baýragy (1968-nji ýylda Şwesiýanyň Banky esaslandyrdy) kimiň alandygy belli bolar.
Nobel baýragynyň möçberi 11 mln şwed kronyna deň – häzirki hümmet boýunça 1 mln ABŞ dollaryndan geçýär.
