10-13-nji oktýabrda Mongoliýanyň Prezidenti Uhnaagiýn Hurelsuh türkmen kärdeşiniň çakylygy boýunça Türkmenistanda döwlet saparynda bolar. Bu sapar iki ýurduň arasynda 1992-nji ýylda diplomatik gatnaşyklar ýola goýlandan bäri ilkinji gezek bolar diýip, ORIENT habar berýär.
Saparyň çäklerinde Hurelsuhyň Prezident Serdar Berdimuhamedow, şeýle hem Halk Maslahatynyň Başlygy Gurbanguly Berdimuhamedow bilen resmi duşuşyklary meýilleşdirilýär.
Döwlet Baştutanlary ikitaraplaýyn hyzmatdaşlyk we halkara giňişliginde özara gatnaşyklaryň meselelerini maslahatlaşarlar. Mongoliýa bilen Türkmenistanyň arasynda gatnaşyklary berkitmäge we dostlukly gatnaşyklary giňeltmäge aýratyn üns berler.
Mundan başga-da, Mongoliýanyň Prezidenti Magtymguly Pyragynyň doglan gününiň 300 ýyllygyna bagyşlanyp geçiriljek halkara forumyna gatnaşar.
Öň, habar berşimiz ýaly, bu foruma RF-niň Prezidenti W.Putin hem gatnaşar.
