2024-nji ýylyň iň soňky Gün tutulma hadysasy tamamlandy. Bu astronomiki hadysa 2-nji oktýabrda bolup geçdi we ýylyň ikinji Gün tutulmasy boldy. Bu gezek ol halka şekilli boldy, ýagny Aý Ýer bilen Günüň arasyndan geçip, Gün diskini doly ýapman, “otly halkany” emele getirýär.
Gün tutulma hadysasy dünýäniň dürli sebitlerinde göründi, ýöne doly halkalaýyn tutulma Çilide we Argentinanyň günortasynda syn etmek mümkin boldy. Bölekleýin tutulma Demirgazyk Amerikanyň günortasynda, Günorta Amerikada we hatda Antarktidanyň käbir ýerlerinde göründi.
Syn etmek üçin iň gowy ýerleriň biri Pashi adasy boldy. Haýran galdyryjy tebigy hadysadan Argentinanyň ýaşaýjylary-da lezzet alyp bildi.
Aziýanyň ýaşaýjylaryna bu hadysany görmek başartmady, şonuň üçin okyjylary planetanyň başga sebitlerinden alnan täsirli suratlardan lezzet almaga çagyrýarys.
