Ispaniýaly tennisçi Karlos Alkaras Pekindäki ATP-500 ýaryşynyň finalynda italiýaly Ýannik Sinneri utup, ýeňiji boldy. Oýun tas 3,5 sagat dowam etdi we 6:7 (6:8), 6:4, 7:6 (7:3) hasabynda tamamlanyp, ýaryşyň taryhynda iň dowamlysy boldy. Bu barada RBK habar berýär.
Bu ýeňiş bilen Alkaras üç düşegiň ählisinde – hardda, toprakda we otda ATP-500 ýaryşlaryny utan ilkinji oýunçy boldy. Alkaras oýnuň örän deň bolandygyny we iki oýunçynyň hem ony iki setde ýeňiş bilen tamamlap biljekdigini belledi.
Bu ýeňiş bilen Alkaras 500 reýting utugyny we tas 700 müň dollar gazanyp, dünýäniň üçünji raketkasy hökmünde ornuny berkitdi.
Ispaniýaly karýerasynyň dowamynda Sinner bilen bolan 10 duşuşygyň 6-synda ýeňiş gazandy. Şu ýyl italiýaly türgen Alkarasdan “Rolan Garrosyň” we Indian-Uellsdäki (ABŞ) “Mastersiň” ýarym finallarynda utuldy.
Geçen ýyl Pekindäki ýaryşda Sinner ýeňiji bolupdy. Öň, diňe Nowak Jokowiçe bu ýerde tituly goramak başartdy.
