Tesla Model Y uzak wagtlap öňdeligi saklan Nissan Leaf-den öňe geçip, resmi taýdan Norwegiýada iň geçginli elektrik awtoulagyna öwrüldi diýip, Electric Drives-yň maglumatlaryna salgylanýan Teslarati habar berýär.
2011-nji ýylda peýda bolan pursadyndan başlap, Nissan Leaf elektrik ulagy bazarynda esasy etalon bolupdy, emma häzirki wagtda ol ornuny Model Y ulagyna berdi. Soňky maglumatlara görä, Tesla Model Y-nyň çykan wagtyndan bäri Norwegiýada onuň 59 775 sanysy satyldy, bu 2024-nji ýylyň sentýabr aýynda 58 860 birligi satylan Nissan Leaf-iň satuwyndan ýokarydyr.
Model Y üstümizdäki ýylyň ilkinji dokuz aýynda Norwegiýada elektrik ulaglarynyň satuwynda hem öňdeligi eýeleýär. Bu döwürde Model Y-nyň 12 578 birligi satylmak bilen, 5 318 birligi satylan Volvo EX30-dan we 4 944 birligi satylan Volkswagen ID.4-den ep-esli öňe geçdi.
Tesla Model 3 satylan 43 910 awtoulag bilen umumy satuw boýunça üçünji orunda durýar.
Model Y geçen ýyl dünýäde iň köp satylan awtoulag boldy we şu ýyl ABŞ-da iň köp satylan awtoulag bolmagy maksat edinýär.
