Günorta Awstraliýanyň Saglygy goraýyş we lukmançylyk barlaglary institutynyň (SAHMRI) alymlary dokumanyň bitişinde möhüm rol oýnaýan endotel öýjüklerine we makrofaglara öwrülip bilýän endoMac nesil öýjüginiň täze görnüşini tapdylar. Barlagyň netijeleri Nature Communications žurnalynda çap edildi.
Uly syçanlaryň aortasynyň daşky gatlagyndan tapylan EndoMac şikes alnanda ýa-da gan aýlanyşygy bozulanda işjeňleşýär. Olar gan damarlaryny emele getirmek we dokumalaryň dikelmegine ýardam etmek bilen çalt köpelýärler.
Iki öýjük görnüşine differensirlenmäge ukyplydygy we adaty “öz” markerleriniň ýoklugy sebäpli EndoMac-lar öýjük transplantasiýasy üçin laýyk dalaşgär bolup biler. Adatça syçanlaryň süýji keselli we asla bitmeýän ýa-da bitmesi kyn ýaraly modellerinde geçirilen barlaglar birnäçe günüň içinde ýaranyň çalt bitýändigini görkezdi.
Alymlar EndoMac-y seljermegi dowam etdirmegi we adam bedenindäki bu öýjükleriň meňzeşini tapmagy meýilleşdirýärler.
