Türkmenistanyň ylym, bilim, saglygy goraýyş, sport, ýaşlar we jemgyýetçilik guramalary boýunça wise-premýeri Baýramgül Orazdurdyýewa Birleşen Arap Emirlikleriniň Adatdan daşary we Doly ygtyýarly ilçisi Ahmed Al Hameli bilen duşuşdy. Bu barada Türkmenistanyň Bilim ministrliginiň saýtynda habar berilýär.
Duşuşygyň barşynda taraplar bilim, saglygy goraýyş we sport babatda iki ýurduň arasyndaky bar bolan gatnaşyklaryň wajypdygyny nygtap, hyzmatdaşlygy mundan beýläk hem ösdürmeklige gyzyklanma bildirdiler.
Ilçi Ahmed Al Hameli şeýh Mansur ben Zaid Al Nahaýýanyň adyndan hem-de wise-prezident, wise-premýer, BAE-niň prezident dolandyryşynyň Başlygy we daşary işler ministri şeýh Abdulla ben Zaidiň adyndan gutlag sözlerini beýan etdi.
