Noýabr aýynda Sotheby’s auksionyna iki gezek – 1937-nji ýylda patyşa Georg VI-nyň we 1953-nji ýylda şa aýaly Ýelizaweta II-niň täç geýdirme dabaralarynda göze ilen seýrek brilliant monjuk satuwa çykarylar. 500 brilliantly 300 karatdan ybarat bolan bezeg Anglsi markizleriniň aristokratik nesline degişlidi diýip, Reuters habar berýär.
Hünärmenleriň hasaplamalaryna görä, lotuň bahasy 1,3 mln funt sterlingden 2 mln funt sterlinge çenli ýetip biler. Monjuk 1960-njy ýyllarda Anglsi maşgalasy tarapyndan satylany bäri köpçülige görkezilmedi.
Käbir taryhçylar bu bezeg şaý-sepiniň düzüminde Mariýa-Antuanettanyň meşhur kolýesinden brilliantlaryň bolup biljekdigini çaklaýarlar. Bu kolýe sebäpli XVIII asyrda dawa ýüze çykypdy: Fransiýanyň şa aýaly ogurlykda aýyplandy. Hakykatda bolsa bezeg aldawçylar tarapyndan ogurlanypdy.
Ženewadaky auksiondan öň monjuk dünýä paýtagtlaryna aýlanar – ony Londonda, Nýu-Ýorkda, Gonkongda, Singapurda we Dubaýda görerler.
