Prezident Serdar Berdimuhamedow Türkmenistanyň Garaşsyzlygynyň 33 ýyllyk baýramy mynasybetli ýurdumyzyň raýatlaryny döwlet sylaglary bilen sylaglamak hakynda Permana gol çekdi. Sylaga mynasyp bolan raýatlaryň sanawy resmi metbugatda çap edildi.
Resminama laýyklykda, döwlet sylaglary halk hojalygynyň ähli pudaklarynda işleýän raýatlary öz içine alýar. Türkmenistanyň Prezidentiniň Permany bilen, ýurdumyzyň raýatlaryna Türkmenistanyň «Garaşsyz Türkmenistana bolan beýik söýgüsi üçin» ordeni, Türkmenistanyň «Gaýrat» medaly, Türkmenistanyň «Watana bolan söýgüsi üçin» medaly gowşuryldy.
Şeýle hem «Türkmenistanyň halk artisti», «Türkmenistanyň at gazanan gurluşykçysy», «Türkmenistanyň at gazanan ulag işgäri», «Türkmenistanyň ylymda we tehnikada at gazanan işgäri», «Türkmenistanyň at gazanan medeniýet işgäri», «Türkmenistanyň at gazanan artisti», «Türkmenistanyň halk bagşysy», «Türkmenistanyň sungatda at gazanan işgäri», «Türkmenistanyň at gazanan žurnalisti», «Türkmenistanyň durmuş hyzmaty çygrynyň at gazanan işgäri» diýen hormatly atlar dakyldy.
Sylaga mynasyp bolan raýatlaryň doly sanawyny şu salgydan okap bilersiňiz.
