“Roskosmosyň” kosmonawtlary Oleg Kononenko we Nikolaý Çub, şeýle hem NASA-nyň astronawty Treýsi Daýson kosmosda 374 gün bolanlaryndan soň Ýere gaýdyp geldiler. Bu missiýa Halkara kosmos stansiýasynyň (HKS) maksatnamasy boýunça iň uzak missiýa boldy diýip, “Roskosmos”-yň Telegram-kanalynda habar berildi.
“Soýuz MS-25” kosmos gämisiniň ekipažly düşýän moduly 23-nji sentýabrda aşgabat wagty bilen sagat 16:59-da Gazagystanyň Žezkazgan şäheriniň golaýynda gondy.
Kononenko bilen Çub 2023-nji ýylyň 15-nji sentýabryndan bäri HKS-dady, Daýson bolsa olara 2024-nji ýylyň martynda goşulypdy.
Türkmenistanyň Gahrymany Oleg Kononenko missiýanyň dowamynda birnäçe rekord goýdy, şol sanda ol umumy uçuş wagty 1111 gün - häzirki wagtda kosmosda jemi 1000 günden gowrak wagt bolan ilkinji adam.
Kononenko bilen Çubyň missiýasy dowamlylygy boýunça diňe kosmosda “Mir” stansiýasynda degişlilikde 438 we 380 gün geçiren Waleriý Polýakow bilen Sergeý Awdeýewiň uçuşlaryndan soň, ikinji ýerde durýar.
