Londondaky meşhur Oksford-strit köçesi doly derejede pyýada zolagyna öwrüler

  • 20.09.2024 09:08
  • 5.5k+

Londonyň iň belli köçeleriniň biri bolan Oksford-strit tiz wagtdan doly derejede pyýada köçesine öwrüler. Londonyň häkimi Sadik Hanyň taslamasy bu köçäniň 1,1 kilometrini ulaglardan azat edip, pyýada zolagyna öwürmegi göz öňünde tutýar diýip, BBC habar berýär.

Meýilnamany durmuşa geçirmek üçin 150 mln funt sterling bölünip berildi, indi bu çözgüdi şäher geňeşiniň tassyklamagyna garaşylýar, çünki şäheriň merkezinde pyýada zolaklaryny döretmek pikiri dolandyryjy Leýboristik partiýa tarapyndan işjeň goldanylýar.

“Oksford-strit uzak wagtlap Britaniýanyň bölek söwdasynyň dürdänesi boldy, ýöne soňky onýyllykda ol şöhlesini ýitirdi” – diýip, Sadik Han belledi. Ol taslamanyň şäheriň bu esasy söwda arteriýasyny gaýtadan janlandyrmaga gönükdirilendigini aýtdy.

Köçäniň tas 900 ýyllyk taryhy bar, ol heniz XII asyrda peýda boldy. Köçe häzirki adyny 1729-njy ýylda aldy. Häzirki wagtda Oksford-stritde 300-e golaý dükan, şol sanda dünýä brendleriniň 90 dükany bar. Her gün bu ýere 500 müňe golaý adam gelýär.
2023-nji ýylda Oksford-strit Ýewropanyň iň gymmatly söwda köçeleriniň arasynda 18-nji orny eýeledi.
Öň, 2017-nji ýylda häkimiýetler köçäni pyýada etmegi teklip edipdiler, ýöne taslama ýerli ýaşaýjylaryň nägileligi sebäpli ýatyryldy, olar jemgyýetçilik ulag ýollarynyň üýtgemeginden nägile boldular.


şu gün 09:28
839

La Liste ýylyň iň gowy 1000 restoranyny saýlady

Parižde restoranlaryň iň belli halkara reýtingleriniň biri bolan La Liste ýyllyk baýragynyň netijesi yglan edildi. Şu ýyl birinji orunda birbada on restoran ýerleşdi – olaryň ählisi 100-den 99,5 bal gazandy. Öňdebaryjylaryň biri Pariždäki Guy Savoy boldy...

26.11.2025 13:14
7.9k+

Hytaýyň Şençžen şäherinde dünýäde iň uly üsti ýapyk dag lyža kurorty açyldy

Hytaýda dünýäde iň uly üsti ýapyk dag lyža kurorty bolan Huafa Snow World işläp başlady. Ol Şençžende ýerleşýär we 100 müň inedördül metr meýdany tutýan emeli garly toplumdyr (bu takmynan 11 futbol meýdançasyna barabardyr)...

26.11.2025 10:11
3.6k+

Baryp görmeli 31 köçe: Time Out olaryň reýtingini düzdi

Time Out žurnaly iýmiti, dynç alşy we atmosferany göz öňünde tutup, ýerli redaktorlaryň we bilermenleriň saýlamagynda dürli ýurtlardan iň gowy 31 köçäniň reýtingini hödürledi. Sanaw neşiriň saýtynda elýeterli. Awtorlar reýtingdäki köçeleriň öz şäherleriniň häsiýetini we şähdini görkezýändigini belleýär...

21.11.2025 23:28
9.5k+

Dubaýda Joby howa taksisi ilkinji gatnawyny amala aşyrdy

Joby Aviation amerikan kompaniýasy BAE-de iki nokadyň arasynda özüniň elektrik uçýan enjamynyň ilkinji adamly uçuşyny amala aşyrdy. Dik uçuş enjamy Margamdaky synag bazasyndan uçup, Al-Maktum halkara howa menziline gondy – uçuş 17 minut dowam etdi diýip, Business Wire habar berýär...