11-nji sentýabrda Polaris Dawn missiýasynyň uçurylmagynyň ertesi güni Russiýanyň “Soýuz MS-26” kosmiki gämisi Halkara kosmos stansiýasyna (HKS) täze ekipažy eltdi. Göräýmäge hiç bir üýtgeşikligi ýok waka Ýeriň orbitasyndaky adamlaryň sany boýunça täze rekord goýmaga mümkinçilik berdi diýip, NASA salgylanýan “Komersant” neşiri ýazýar.
Şondan soň 19 adam bir wagtyň özünde orbitada boldy. Öňki rekord 2023-nji ýylyň maý aýynda goýlupdy, şonda 17 adam bir wagtyň özünde orbitada bolupdy.
“Soýuz MS-26”-nyň ekipažynyň düzümine rus kosmonawtlary Alekseý Owçinin we Iwan Wagner, şeýle hem amerikaly kosmonawt Donald Pettit girdi. Olaryň HKS-a ekspedisiýasy 202 günläp dowam eder. Missiýa wagtynda olar birnäçe gezek açyk kosmosa çykar, şeýle hem kosmosda ýaşaýyş we iş şertlerini öwrenmäge gönükdirilen birnäçe ylmy synaglary geçirmegi meýilleşdirýärler.
Aşakdaky astronawtlar bir wagtyň özünde kosmosda boldular:
Halkara kosmos stansiýasy
- Türkmenistanyň Gahrymany Oleg Kononenko (Russiýa)
- Maýkl Barratt (ABŞ)
- Nikolaý Çub (Russiýa)
- Metýu Dominik (ABŞ)
- Treýsi Kolduell Daýson (ABŞ)
- Žanett Epps (ABŞ)
- Aleksandr Grebenkin (Russiýa)
- Alekseý Owçinin (Russiýa)
- Iwan Wagner (Russiýa)
- Donald Pettit (ABŞ)
Boeing Starliner kosmos gämisiniň hereketlendirijilerinde ýüze çykan näsazlyklar sebäpli Sunita Uilliams we Butç Uilmor (ABŞ) HKS-da eglenmeli boldy.
SpaceX Dragon 2 kosmos gämisinde Polaris Dawn ekspedisiýasy (Bular eýýäm Ýere gaýdyp geldi)
- Sara Jillis (ABŞ)
- Jared Aýzekman (ABŞ)
- Anna Menon (ABŞ)
- Skott Potit (ABŞ)
Hytaýyň Týangun kosmos stansiýasy
- Li Kong (Hytaý)
- Li Guansu (Hytaý)
- Ýe Guanfu (Hytaý)
