Ýaponiýaly ýigit 14 sagadyň içinde Tokio metrosynyň 285 stansiýasynyň ählisini geçip, rekord goýdy

  • 17.09.2024 21:22
  • 10k+

Ýaponiýaly Sona Noguti Tokio metrosynyň 285 stansiýasynyň ählisini geçip, dünýä rekordyny goýdy. Ginnesiň rekordlar kitabynyň saýtynda habar berlişi ýaly, ol gezelenjini 13 sagat 53 minutda tamamlamagy başardy.

Noguti öz syýahatyna irden sagat 8:22-de “Nisi-Magome” stansiýasynda başlady we gezelenjini 22:18-de “Nisi-Takasimadaýra” stansiýasynda tamamlady. Ol rekordy tassyklamak üçin wagonyň gapysynyň agzynda durup, geçip barýarka her stansiýany surata düşürdi.

“Adatça, men otluda gezelenç wagty peýzaždan lezzet alýaryn, ýöne bu gezek däl” – diýip, ol belledi. Onuň aýtmagyna görä, bu gün esli gijikdirmeler bolmady, bu hem oňa rekord goýmaga kömek etdi. Ýaş ýigit Tokionyň ulag ulgamynyň işiniň takyklygyna haýran galdy.

Noguti çagalykdan demir ýollar bilen gyzyklanýar. Ol ýedi prefekturany, şol sanda Tokiony öz içine alýan Kanto sebitiniň demirýol stansiýalarynyň ählisine baryp gördi. Gezelençden başga-da, ol otlulary surata düşürmek we olaryň modellerini ýygnamak bilen meşgullanýar.


düýn 09:15
4.6k+

95 ýaşly amerikaly dünýäde iň garry awtobus sürüjisi diýlip ykrar edildi

Tehasyň 95 ýaşly ýaşaýjysy dünýäde iň garry awtobus sürüjisi diýlip ykrar edildi. Onuň üstünligi Ginnesiň rekordlar kitabynda bellendi. Ol işlemegini dowam etdirýär we entek pensiýa çykmagy meýilleşdirmeýär diýip, The Guardian habar berýär...

28.11.2025 23:12
10k+

San-Diegoda iki jahan urşuny başdan geçiren 141 ýaşly pyşbaga Ene bilen hoşlaşyldy

San-Diego haýwanat bagynyň iň garry ýaşaýjysy, 141 ýaşly Ene (Gramma) atly galapagos pyşbagasy aradan çykdy. Haýwanat bagynyň işgärleri süňk keseli sebäpli ony uka gidirmeli boldy. CNN-iň habar bermegine görä, ewtanaziýa baradaky çözgüt jandaryň ýaş bilen bagly başdan geçirýän azaplary sebäpli kabul edildi...

26.11.2025 10:02
2.3k+

The Weeknd “After Hours Til Dawn” konsert syýahatyndan 1 mlrd dollardan gowrak gazanyp, rekord goýdy

The Weeknd rekord goýmagyny dowam etdirýär: onuň dünýä boýunça After Hours Til Dawn konsert syýahaty erkek solo aýdymçylarynyň arasynda taryhda iň girdejili syýahat boldy. 2022-nji ýylda başlany bäri konsert syýahaty Demirgazyk Amerikada (iki gezek), Ýewropada, Beýik Britaniýada, Latyn Amerikasynda we Awstraliýada geçdi...

24.11.2025 12:05
2.4k+

Supermen baradaky ilkinji komiks rekord 9,12 mln dollara satyldy

1939-njy ýylda çykan “Supermen” komiksiniň ilkinji sanynyň asyl nusgasy auksionda 9,12 mln dollara satyldy. NBC News-iň habar bermegine görä, bu komiks bazary üçin hakyky rekord boldy. Uzak wagtlap bu nusga ýitirilen diýlip hasaplanypdy: ol köp ýyllap Demirgazyk Kaliforniýadaky bir öýüň üçeginde gutuda saklanypdyr...