Nissan awtoöndürijisiniň Ýewropa bölümçesi Ginnesiň rekordlar kitabynda hasaba alnan täze rekord barada habar berdi. Berk tanapda asylan içi adamly Nissan Qachqai krossoweri 65 metr belentlikden aşak zyňyldy. Bu ýagdaý “iň beýik awtomobil banji-jampingi” diýlip atlandyryldy. Bu barada tarantas.news ýazýar.
Awtomobili zerur beýiklige galdyrmak üçin ilki gorizontal ýagdaýda bolup, awtomobil erkin gaçar ýaly böküşden öň aşak ýatyrylan düşelgeli ýörite metal kapasa taýýarlandy. Nissan Qachqai gurluşyk krany bilen galdyryldy, başlamak buýrugyny bolsa ruluň başynda oturan fransiýaly kaskadýor Loran Lasko berdi.
Hereketiň surata düşürilişi Parižde geçirildi we başdangeçirmeleriň muşdaklary üçin modeli iň batyrgaý çözgüt hökmünde görkezýän Nissan Qachqai mahabat kampaniýasynyň bir bölegi boldy. Öň, bu kampaniýanyň çäklerinde Qachqai skeýtbordda gezelenç edip, peýntbol oýnady.
Ýewropada Nissan Qachqai kuwwaty 140 ýa-da 158 at güýji (a.g.) bolan 1,3 litrlik turbohereketlendirijä esaslanýan ýumşak gibrid wersiýada hem-de 157 a.g. içinden ýandyrylýan hereketlendiriji we 190 a.g. elektromotor bilen gibrid wersiýada hödürlenýär.
