Aşgabatda ulag-üstaşyr geçelgelerine bagyşlanan ITTC 2024 Halkara maslahatyna bellige almaklyk başlandy

  • 15.09.2024 12:32
  • 3k+

Aşgabatda 26-27-nji noýabrda geçiriljek "Halkara ulag-üstaşyr geçelgeleri: özara baglanyşyk we ösüş 2024" (ITTC 2024) Halkara maslahatyna we sergisine gatnaşjaklary hasaba almaklyk başlandy diýip, Orient agentligi habar berýär.

Türkmenistanyň Ministrler Kabinetiniň ýanyndaky Ulag we kommunikasiýalar agentligi forumyň guramaçysy bolup çykyş edýär.
Maslahat Bütindünýä durnukly ulag gününe bagyşlanýar. Foruma gatnaşyjylar halkara ulag geçelgeleriniň ösüşini, multimodal çözgütleri we logistikada sanly özgertmeleri maslahatlaşarlar. Çäräniň dowamynda ulag we logistika kompaniýalarynyň wekilleriniň gatnaşmagynda sergi geçiriler.
Forumda ulag ulgamlarynyň infrastrukturasyny döwrebaplaşdyrmaga we ekologiýa yzlaryny azaltmaga aýratyn üns berler. ITTC 2024-niň maksatnamasynda ulag-logistika innowasiýalaryna, multimodallyga we döwlet-hususy hyzmatdaşlygyna bagyşlanan meseleler boýunça mejlisler geçiriler.
Foruma gatnaşjak wekilleriň arasynda Airbus, Boeing, Cargo Lux, Fly Dubai, Vitol, Dragon Oil ýaly belli kompaniýalaryň, IATA (Howa ulaglarynyň halkara birleşigi), ICS (Gämiçilik halkara palatasy), IRU (Awtomobil ulaglarynyň halkara bileleşigi), BMG, ÝHHG, Bütindünýä banky, Aziýa ösüş banky ýaly guramalarynyň wekilleri bar.
Has jikme-jik maglumatlar çäräniň resmi saýtynda elýeterlidir.


şu gün 10:37
450

Türkmenistanyň Mejlisiniň Başlygy Hindistanyň ilçisi bilen duşuşdy

26-njy noýabrda Türkmenistanyň Mejlisiniň Başlygy D.Gulmanowa Hindistanyň ilçisi Bandaru Wilsonbabu bilen duşuşdy. Bu barada milli Parlamentiň saýtynda habar berilýär. Mejlisiň ýolbaşçysy ilçini ýokary diplomatik wezipä bellenilmegi mynasybetli gutlap, oňa iki ýurduň arasyndaky köpugurly gatnaşyklary mundan beýläk-de ösdürmäge gönükdirilen işinde uly üstünlikleri arzuw etdi...

şu gün 10:16
457

ÝUNISEF-iň we ÝUNFPA-nyň Türkmenistandaky wekilhanalarynyň 2026-njy ýyl üçin iş meýilnamalary taýýarlanyldy

2026-2027-nji ýyllarda anyk çäreleri geçirmek üçin BMG-niň Çagalar gaznasy we Ilat gaznasy bilen Türkmenistanyň degişli ministrlikleriniň, pudak edaralarynyň, jemgyýetçilik guramalarynyň arasynda dürli ugurlar boýunça jemi 16 sany resminamanyň taslamalary işlenip taýýarlanyldy...

şu gün 10:04
1.6k+

Türkmenistanda dekabr aýynda geçiriljek esasy çäreleriň Tertibi aýdyldy

28-nji noýabrda geçirilen Hökümet mejlisinde wise-preýmer B.Seýidowa 2025-nji ýylyň dekabr aýynda geçiriljek esasy çäreleriň we açylyp ulanmaga beriljek medeni-durmuş maksatly binalaryň Tertibi barada hasabat berdi...

şu gün 10:01
1.7k+

5-nji dekabrdan Türkmenistanyň çäginde baýramçylyk söwdalary başlanar

5-nji dekabrdan başlap Türkmenistanyň welaýatlarynda hem-de Aşgabat, Arkadag şäherlerinde ýerleşýän söwda merkezlerinde, bazarlarda, dükanlarda baýramçylyk söwdalaryny amala aşyrmak, göçme söwda nokatlaryny gurnamak göz öňünde tutulýar...