9 – 11-nji sentýabrda Bakuwda bir umumy türki elipbiýini işläp taýýarlamak boýunça komissiýanyň üçünji mejlisi geçirildi. Mejlis Azerbaýjany, Gazagystany, Gyrgyzystany we Türkiýäni birleşdirýän Türki akademiýasy tarapyndan gurnaldy diýip, Nuz.uz habar berýär.
Duşuşykda türki dünýäsiniň ýurtlarynyň wekilleri latyn elipbiýine esaslanýan 34 harpdan ybarat elipbiýi kabul etmek barada ylalaşdylar. Bu ädim dil birligini gazanmaga we türki halklaryň arasynda özara düşünişmegi ýokarlandyrmaga gönükdirilendir.
Bir umumy elipbiý taslamasy ilkinji gezek 1991-nji ýylda teklip edildi. Bakuwda geçirilen mejlisde gatnaşyjylar ony has giňişleýin maslahatlaşyp, doly işlemegi talap edýän taraplary ýüze çykardylar. Elipbiýiň her bir harpy türki dilleriň özboluşly fonetik aýratynlyklaryny görkezmäge gönükdirilendir.
Türki akademiýasy bir umumy elipbiýiň üstündäki işleriň tamamlanmagynyň möhüm taryhy ähmiýete eýedigini belledi. Wekiller halkara edaralary aragatnaşygy aňsatlaşdyrmaga we medeni mirasy gorap saklamaga ýardam etjek elipbiýiň ornaşdyrylmagyny goldamaga çagyrdylar.
