Hytaý 2050-nji ýyla çenli Günorta polýusda, ekwatorda we Aýyň arka tarapynda ýerleşip, gözleg merkezleriniň toplumyna öwrüljek Halkara ylmy Aý stansiýasynyň (ISS) taslamasy baradaky jikme-jiklikleri aýan etdi diýip, Naked Science habar berýär.
Hytaýyň Milli kosmos dolandyryş gullugynyň (CNSA) başlygynyň orunbasary U Yanhua 2035-nji ýyla çenli alymlaryň Aýyň Günorta polýusyndan 100 km radiusda gözleg geçirip biljekdiklerini aýtdy.
ISS “Týangun” kosmos stansiýasynyň tehnologiýasyna esaslanar we Ýer bilen Aýyň arasyndaky ulag ulgamyna öwrüler. Hytaý we Russiýa tarapyndan 2017-nji ýylda ilkinji gezek teklip edilen bu taslama, Aý baýlyklarynyň ylmy gözlegi we peýdalanylmagy üçin platforma döretmäge gönükdirilendir.
Bu taslama eýýäm Hytaý, Russiýa, Azerbaýjan, Gazagystan, Günorta Afrika, Müsür, Wenesuela, Belarussiýa, Pakistan, Nikaragua, Tailand, Serbiýa we Senegal ýaly birnäçe ýurt gatnaşýar. Geljek 10 ýylyň dowamynda Hytaý bu taslama 50 ýurdy, 500 sany ylmy-gözleg institutyny we 5000 alymy çekmegi meýilleşdirýär.
