Meşhur Mansory atelýesi 1035 at güýjüni öndürýän güýçlendirilen hereketlendirijisi we 1200 aýlanma pursady bolan Audi RS 7 Sportback-iň üýtgedilen wersiýasyny hödürledi. Bu görkezijiler asyl Bugatti Veyron-yň kuwwatlylygyndan we Audi RS 7 Performance 2025-iň (621 at güýji, 850 Nm) standart görnüşinden ep-esli ýokarydyr diýip, Speedme belläp geçýär.
Awtoulagyň daşky görnüşi yzky görnüş aýnalaryny we gapdal bosagalaryny öz içine alýan täze uglerod elementlerini aldy. Täzelenmeler diffuzora hem täsir etdi we iki sany spoýler goşuldy – biri ýük goýulýan ýeriň gapagynda, ikinjisi yzky penjirede.
Interýeriň gurallar panelinde, oturgyçlarynda, rulda we beýleki elementlerde mämişi reňki ulanyldy. Şeýle hem Mansory-niň nyşanlary bolan täze bezeg goşundylary we metal öwüşginleri goşuldy.
Üýtgedilen awtoulag 2,8 sekuntda 100 km/s tizlige ýetýär, adaty model bolsa bu tizlige 3,3 sekuntda ýetýär. Mansory öz taslamasynyň bahasyny aýan etmeýär. Baha diňe müşderiler bilen aýratyn ara alnyp maslahatlaşylýar.
