Türkmenistanyň DIM-inde ABŞ-nyň Döwlet departamentiniň ýörite geňeşçisi bilen duşuşyk geçirildi

  • 11.09.2024 19:21
  • 5.3k+

10-njy sentýabrda Türkmenistanyň daşary işler ministriniň orunbasary Mähri Bäşimowa Amerikanyň Birleşen Ştatlarynyň Döwlet departamentiniň Mümkinçilikleri çäklendirilen adamlaryň halkara hukuklary boýunça ýörite geňeşçisi Sara Minkara bilen duşuşdy.

Türkmenistanyň DIM-niň habar bermegine görä, duşuşygyň barşynda ABŞ-nyň Döwlet departamentiniň wekiliýeti maýyplaryň hukuklaryny goramak ugrundaky milli ulgam we kanunçylyk, şeýle hem ýurtda mümkinçilikleri çäklendirilen adamlaryň hukuklaryny durmuşa geçirmek boýunça amala aşyrylýan çäreler bilen tanyşdyryldy.
BMG-niň Maýyplygy bolan adamlaryň hukuklary hakynda Konwensiýasynyň we onuň Goşmaça teswirnamasynyň durmuşa geçirilişine, şeýle hem Türkmenistan bilen ABŞ-nyň bu ugurdaky hyzmatdaşlygyny ösdürmegiň mümkinçiliklerine aýratyn üns berildi.
Söhbetdeşler Türkmenistanda maýyplygy bolan adamlara goldaw bermek ulgamlaryny giňeltmäge gönükdirilen kanunçylyk binýadynyň yzygiderli kämilleşdirilýändigini we mümkinçilikleri çäklendirilen adamlara degişlilikde adam hukuklaryny mundan beýläk-de ilerletmek boýunça işleriň alnyp barylýandygyny nygtadylar.
Duşuşygyň dowamynda «C5+1» formatynyň çäklerinde mümkinçilikleri çäklendirilen adamlaryň hukuklaryny goramak meseleleri boýunça özara gatnaşyklaryň ileri tutulýan ugurlary kesgitlenildi.


şu gün 15:00
3.3k+

Osakada EXPO-2025 sergisinde Türkmenistanyň pawilýonyna baryp görenleriň sany bir milliona ýetdi

Ýaponiýanyň Osaka şäherinde dowam edýän EXPO‑2025 Bütindünýä sergisinde Türkmenistanyň milli pawilýonyna baryp gören myhmanlaryň sany bir milliondan geçdi. Bu barada serginiň guramaçylary habar berdi. Millionynjy myhman sergi döwrüniň ortalarynda bellige alyndy...

şu gün 14:43
3k+

ABŞ we ÝB söwda ylalaşygyny gazandy. Ýewropa ýurtlary üçin gümrük paçlary 15% bolar

ABŞ bilen Ýewropa Bileleşigi söwda şertnamasyna gol çekdi. Onuň şertleri boýunça Waşington Ýewropa harytlarynyň, şol sanda awtomobilleriň importy üçin gümrük paçlary 15%-e çenli azaltdy. Bu barada ABŞ-nyň Prezidenti Donald Tramp Şotlandiýada Ýewrokomissiýanyň başlygy Ursula fon der Lýaýen bilen duşuşykdan soň žurnalistlere aýtdy diýip, Bloomberg habar berýär...

düýn 13:36
5.6k+

Türkmenistanyň we Özbegistanyň daşary işler ministrleri öňde boljak bilelikdäki çäreleri maslahatlaşdylar

28-nji iýulda Türkmenistanyň wise-premýeri, daşary işler ministri Raşid Meredow bilen Özbegistanyň daşary işler ministri Bahtiýor Saidowyň arasynda telefon arkaly söhbetdeşlik geçirildi. Özbegistanyň DIM-niň habar bermegine görä, taraplar iki ýurduň arasyndaky strategik hyzmatdaşlygy berkitmek, hyzmatdaşlygyň täze ugurlaryny ösdürmek hem-de öňde boljak sebit we halkara çäreleri ara alyp maslahatlaşdylar...

düýn 13:13
4.1k+

Bakuwda türkmen-azerbaýjan hökümetara toparynyň mejlisi geçirildi

28-nji iýulda Bakuwda Türkmenistanyň we Azerbaýjan Respublikasynyň arasyndaky Ykdysady we ynsanperwer ugurlarda hyzmatdaşlyk boýunça bilelikdäki Hökümetara toparynyň 8-nji mejlisi geçirildi. Mejlis Türkmenistanyň wise-premýeri Nökerguly Atagulyýewiň we Azerbaýjanyň ykdysadyýet ministri Mikail Jabbarowyň başlyklyk etmeginde geçirildi...