Hytaý Aýda baza gurmaga görülýän taýýarlygyň çäklerinde şu ýylyň oktýabr aýynda “Týangun” kosmos stansiýasyna emeli Aý topragyndan ýasalan kerpijiň nusgalaryny iberer. Üç ýyl dowam etjek synag materiallaryň kosmosyň gazaply şertlerine çydap biljekdigini-bilmejekdigini synagdan geçirer diýip, South China Morning Post ýazýar.
Hytaýly barlagçylar dürli komponentleri goşmak arkaly, Aý regolitine meňzeýän nusgalary döretdiler. Kerpiçler Aýdaky önümçilik şertlerini ýada salýan wakuumly gyzgyn peçde gaýtadan işlenildi. Synag wagtynda alymlar radiasiýanyň we temperaturanyň üýtgemeginiň täsiri astynda nusgalaryň zaýalanyşyna syn ederler.
Maksat - geljekki Aý bazasyny gurmak üçin gerek boljak kerpijiň iň laýyk düzümini kesgitlemek.
Hytaý 2035-nji ýyla çenli Halkara Aý barlag stansiýasyny döretmegi meýilleşdirýär. Taslama eýýäm 10-dan gowrak ýurt goşuldy.
