Gazagystanda Hyundai Tucson krossoweriniň täzelenen görnüşi çykarylyp başlandy. Auto.ru-nyň habar bermegine görä, awtoulaglar “Astana Motors” kompaniýasynyň bir bölegi bolan Hyundai Trans Kazakhstan kärhanasynda ýygnaldy.
Täze awtoulagyň bahasy 14.49-18,99 million teňňe (28,9-39,3 müň dollar) aralygynda üýtgeýär.
Model iki sany benzin hereketlendirijisi bilen elýeterlidir: 2,0 litrlik (150 at güýji) we 2,5 litrlik (190 at güýji). Alyjylar 6 tizlikli ýa-da 8 tizlikli awtomatiki geçirişli görnüşlerini saýlap bilerler.
Awtoulag N-Line sport görnüşini goşmak bilen, bäş sany bezeg derejesinde elýeterlidir. Esasy wersiýasy ähli tigri hereketli görnüşi öz içine alýar we diňe iki litrlik hereketlendirijiler bilen hödürlenýär, 2,5 litrlik hereketlendirijili has güýçli wersiýalarynyň bahasy bolsa 16,89 million tengeden (34,9 müň dollar) başlaýar.
Hyundai Tucson Gazagystanda iň meşhur awtoulaglaryň biri bolmagynda galýar we Hyundai brendi bolsa ýerli bazarda öňdebaryjy orny eýeleýär.
