Flightright hyzmatynyň maglumatlaryna görä, 2024-nji ýylyň tomsunda Germaniýa Ýewropada awiagatnawlaryň gijikdirilmegi we ýatyrylmagy boýunça öňdebaryjy boldy. Umuman alanyňda, gatnawlary 375 müňden gowrak gijikdirmek we 15 müňden gowrak ýatyrmak ýagdaýy hasaba alyndy diýip, BILD tabloidi habar berýär.
Flightright-yň analitikleri Ýewropada her üçünji ýolagçy uçarynyň 15 minutdan gowrak gijikme bilen uçýandygyny belleýär. Şeýle-de bolsa, gijikdirmeleriň sany boýunça lider Lufthansa Group boldy.
Awiakompaniýalaryň arasynda uçuşy ýatyrmagyň iň köp mukdary (ähli gatnawlaryň 3%-den gowragy) Eurowings-de (Lufthansa Group-yň düzümine girýär), Lufthansa-da (2,9%) we Swiss-de (2,61%) hasaba alyndy.
Gatnawlary ýatyrmagyň iň köp mukdaryny görkezen bäş howa menziliniň dördüsi Germaniýada ýerleşýär. Birinji orunda 3% ýatyryş görkezijisi bilen Berlin-Branderburg ýerleşýär, onuň yzyndan Frankfurt (2,52%) we Mýunhen (2,49%) gelýär.
Hünärmenler şeýle maglumatlary Germaniýanyň awiasiýasynda dowam edýän meseleler bilen baglanyşdyrýarlar.
Gatnawlary ýatyrmagyň ortaça görkezijisi 1%-den geçmeli däl. Şeýle derejeleri TAP Portugal, Ryanair we Iberia awiakompaniýalary görkezýär.
