Universal Pictures studiýasy 2025-nji ýylyň 17-nji ýanwarynda “Möjek adam” (“Wolf Man”) horror filmini çykarar. Internet torunda filmiň eýýäm ilkinji tizer-treýleri peýda boldy.
Sýužetiň wakalary biziň günlerimizde ýaýbaňlanýar. Sýužet boýunça, baş gahrymany keşbini üýtgedýän möjek dişleýär, bu hem onuň özi we maşgalasy üçin uly howp döredýär. Taslamada baş keşpleri Kristofer Ebbott (“Ol gije gelýär”, “Оно приходит ночью”) we Juliýa Garner (“Ozark”) ýerine ýetirdi.
Filmiň režissýory hökmünde Li Uonnell (“Göze görünmeýän adam”, “Человек-невидимка”) çykyş etdi. Ilkibaşda “Möjek adamda” Raýan Gosling oýnamalydy, ýöne aktýor roly ýerine ýetirmekden ýüz öwürdi.
