Londonyň “Çelsi” kluby dünýäde iň gymmat düzümi bolan futbol kluby boldy. Bu barada CIES Football Observatory habar berýär.
Toparyň oýunçylarynyň jemi bahasy 1,28 mlrd ýewro barabar. Ikinji orunda 1,04 mlrd ýewro bilen “Mançester Ýunaýted” ýerleşýär. Üçünji orny hem Angliýanyň ýene bir kluby “Mançester Siti” eýeleýär (1,017 mlrd ýewro).
Ilkinji bäş klubuň hataryna Angliýanyň Premýer-ligasyndan (APL) ýene iki topar – “Arsenal” we “Tottenhem” goşuldy. Olar, degişlilikde, 798 mln ýewro we 787 mln ýewro bilen dördünji we bäşinji orunlary eýelediler. Reýtingde iňlis däl ilkinji klub Fransiýanyň “Pari Sen-Žermeni” boldy. Parižliler altynjy orunda ýerleşdiler, düzümiň jemi bahasy 772 mln ýewro deň.
