Deloitte konsalting kompaniýasynyň hasabatyna görä, 2030-njy ýyla çenli iň baý maşgalalaryň baýlygy 73% - häzirki 5,5 trln dollardan 9,5 trln dollara çenli artar. Bu maşgalalaryň aktiwleri eýýäm ululygy boýunça hej-gaznalaryň yzyndan ýetýän maşgala ofisleri tarapyndan dolandyrylýar diýip, Bloomberg belleýär.
Ýakyn ýyllarda baý adamlar üçin maýa goýum firmalarynyň sany üçden bir artyp, 10 720 birlige ýeter. Ortaça 15 işgäri bolan we takmynan, 2 mlrd dollarlyk aktiwleri dolandyrýan uly maşgala ofisleri maýadar-aktiwist hökmünde çykyş etmek bilen bazarda işjeň oýunçylara öwrülýärler.
Bloomberg-iň hasaby boýunça, geçen ýyl dünýäniň iň baý maşgalalarynyň reýtinginde birinji orny 305 mlrd dollar baýlygy bilen Abu-Dabiniň şeýhler we emirler neberesi Al Nahaýýan eýeledi.
Ikinji orunda Walmart lomaý we bölek söwda ulgamyna eýeçilik edýän Uolton maşgalasy ýerleşdi. Onuň baýlygy 259,7 mlrd dollar diýlip hasaplanyldy. Öňdebaryjylaryň üçlügini 150,9 mlrd dollar bilen Hermes fransuz moda öýüniň eýesi bolan Erme maşgalasy jemleýär.
