Yandex gysga wideolary döretmäge niýetlenen täze NandexART (Vi) neýroulgamy bilen tanyşdyrdy. Kompaniýada habar bermeklerine görä, bu model ylgap barýan it ýa-da gaýyp düşýän ýaprak ýaly obýektleriň akgynly, haýal hereketde bäş sekuntlyk wideosyny döretmäge ukyply.
YandexART (Vi) “Şedewrum” programmasynda elýeterlidir hem-de adaty ulanyjylar we hünärmenler - blogerlerdir animatorlar üçin niýetlenendir. Onuň kömegi bilen özboluşly animasiýalary, mysal üçin, telefonyňyz üçin ekran zastawkalaryny döredip bolar.
Geçen ýyl hödürlenen öňki wersiýa bilen deňeşdirilende, YandexART (Vi) wideony bütewi edýän çyn hereketleri we kadrlaryň arasyndaky baglanyşyklary döretmegi öwrendi. Model hereketdäki obýektli wideolarda tälim alýar we tekstdäki sargydy kadrlaryň yzygiderliligine öwürmek arkaly animasiýa döredýär.
Mysal üçin, ulanyjy: “Güneşli çölde düýäniň breýk-tansy” diýen teswiri girizýär we YandexART (Vi) şekil döredýär, soňra bolsa ol haýal akgynly wideo öwrülýär.
