NASA Ýupiteriň buzly hemrasy Ýewropanyň ýaşaýyş üçin potensialyny öwrenmek maksady bilen oňa Europa Clipper kosmos zonduny uçurmaga taýýarlanýar. Uçuş 10-njy oktýabrda SpaceX kompaniýasynyň Falcon Heavy raketasyny ulanmak arkaly meýilleşdirilýär diýip, kosmos agentliginiň saýtynda habar berilýär.
Europa Clipper Ýewropanyň üstüni we onuň içki gurluşyny öwrenmek üçin dokuz sany ylmy gural bilen enjamlaşdyrylar. Zond hemranyň buz gabygyny, onuň aşagyndaky ummany, şeýle-de Ýewropanyň geologiýasyny we grawitasiýa meýdanyny öwrener.
Alymlar Ýewropanyň buz üstüniň aşagynda möçberi boýunça Ýerdäki ähli ummanlardan uly ummanyň bolup biljekdigini çaklaýarlar. Onda ýaşaýşy goldamaga ukyply şertler hem bolup biler.
Europa Clipper missiýasy Ýerden daşary ýaşaýşy öwrenmekde möhüm pursat hasaplanýar. Ol alymlara Gün ulgamyndaky beýleki planetalarda we hemralarda ýaşaýşyň nähili döräp biljekdigine has gowy düşünmäge kömek eder.
