Ýaponiýanyň Toyota kompaniýasy şu hepdäniň başyna meýilleşdirilen üç awtomobil modeliniň önümçiliginiň gaýtadan dikeldilmeginiň gijikdirilýändigini habar berdi. Bu Ýaponiýanyň demirgazyk-gündogaryna inip, iki zawodyň işine zyýan ýetiren tupan bilen baglanyşyklydyr diýip, NHK ýazýar.
Öň, modelleriň önümçiligi döwlet şahadatnamasyny almak üçin synag maglumatlarynyň galplaşdyrylmagy bilen bagly dawa sebäpli iýun aýynda togtadyldy. Netijede, Corolla maşgalasyndan iki model we Yaris Cross modeli çäklendirmelere sezewar boldy.
Iýul aýynyň ahyrynda ulag edaralary üç modeliň hem döwlet howpsuzlyk ülňülerine laýyk gelýändigini tassykladylar, bu hem Toyota kompaniýasyna önümçiligi gaýtadan dikeltmegi meýilleşdirmäge mümkinçilik berdi. Ýöne ýakymsyz howa şertleri kompaniýanyň meýilnamalaryny üýtgetmegine getirdi. Toyota awtomobil üpjünçiligine mümkin boldugyndan tiz wagtdan başlajakdygyny aýtdy, ýöne takyk sene heniz belli däl.
Awgust aýynda kompaniýa hasabat hödürläp, geljekde şeýle düzgün bozmalaryň öňüni almak üçin içerki barlaglary we kanunlaryň berjaý edilmegini güýçlendirmäge wada berdi.
