Hytaý 2024-nji ýylda çip öndürýän enjamlara rekord derejede 25 milliard dollar maýa goýup, beýleki ýurtlardan öňe geçdi. Tom's Hardware-iň maglumatlaryna görä, ýylyň birinji ýarymynda hytaý kompaniýalary ýarymgeçirijiler pudagyna goýan umumy maýa goýumlary boýunça Günorta Koreýadan, Taýwandan we ABŞ-dan öňe geçdi.
Bu maýa goýumlar söwda çäklendirmeleriniň fonunda Hytaýyň daşary ýurt üpjün edijilerine garaşlylygy azaltmaga çalyşýandygy bilen şertlenýär. Seljerijiler enjam üçin umumy çykdajylarynyň ýylyň ahyryna çenli 50 milliard dollara ýetjekdigini çaklaýarlar.
Hytaý öňdebaryjy enjamlara elýeterlilik bilen bagly kynçylyklara garamazdan, 2024-2025-nji ýyllarda ondan gowrak täze fabrigi açmagy meýilleşdirýär. Maýa goýumlarynyň köpelmegi diňe bir SMIC we Hua Hong ýaly iri öndürijileri däl, eýsem kiçi kompaniýalary hem öz içine alýar.
Hünärmenler ýarymgeçirijiler pudagynyň oňyn geljegini goldajak çiplere, esasanam, ýat we emeli aň üçin çiplere bolan islegiň artmagyna garaşýarlar. Şol bir wagtyň özünde Günorta-Gündogar Aziýa, Amerika we Ýewropa ýaly beýleki ýurtlar hem önümçilik kuwwatyny artdyrmak üçin çykdajylaryny köpeldýärler.
