Ýewropaly alymlar Şpisbergen arhipelagynyň kenarynda ýaşaýan arktika bakteriýalarynda antibiotikleriň öň näbelli iki görnüşini tapdylar. Bu möhüm açyş barada Frontiers In Microbiology žurnalynda çap edilen makalada habar berildi.
Oňurgasyzlaryň içindäki aktinobakteriýalar bilen işleýän barlagçylar 2020-nji ýylda Demirgazyk buzly ummana ekspedisiýa wagtynda alnan ýüzlerçe näbelli birleşmeleri seljerip, bu molekulalary ýüze çykardylar.
Kocuria we Rhodococcus görnüşleri tarapyndan öndürilýän täze antibiotikler içgeçmä we beýleki içege ýokançlyklaryna sebäp bolýan, esasanam kiçi ýaşly çagalar üçin howply enteropatogen içege taýajyklary bilen göreşmekde ýokary netijeliligi görkezdi. Iki birleşme hem bakteriýalaryň ösüşini netijeli haýalladýar, olaryň enterositlere birikmegini bökdemek bilen, keseliň beterleşmeginiň öňüni alýar.
Täze antibiotikleriň biri hasam netijeli hasaplanýar, sebäbi onuň wirusa garşy täsire garşy durnuklylygy ösdürip bilmäge mümkinçiligi az.
Barlagçylar öz açyşlaryny öwrenmegi dowam etdirýärler we bu täze antibiotikleriň içege ýokançlyklaryny bejermek üçin täsirli dermanlary döretmäge kömek etjekdigine ynanýarlar. Ýakyn geljekde has köp birleşme almak üçin ösdürip ýetişdirmeл şertlerini optimizirlemek meýilleşdirilýär.
