"Imdatbot" robototehnika we programmirleme bilim merkezi 4-12 ýaş aralygyndaky çagalar üçin mugt açyk sapak geçirer. Açyk sapak 8-nji sentýabrda sagat 12:00-da geçiriler. Sapak 1,5 sagat dowam eder we rus hem-de türkmen dillerinde alnyp barlar. Sapagyň dowamynda çagalar ilkinji robotlaryny ýygnarlar, oňa programma ýazmagy we ony iş ýüzünde synap görmegi öwrenip bilerler.
"Imdatbot" bilim merkezi Türkmenistanyň Bilim ministrliginiň ygtyýarnamasyna we ISO:9001 sertifikatyna eýe bolup, bilim ulgamynda okuwlarynyň halkara hil ülňülerine laýyk gelýändigini tassyklaýar. Merkeziň ähli mugallymlary Makeblock kompaniýasynyň sertifikasiýasyndan geçip, bilim bermegiň ýokary hilini we okatmagyň häzirki zaman usullarynyň ulanylmagyny kepillendirýär.
Merkez robot tehnikasy, programmirleme, 2D we 3D modelirleme boýunça gysga möhletli okuw kurslaryny hödürleýär. Okuwlar STEAM-bilimi usuly boýunça, taslama çemeleşmesi we oýun görnüşleri ulanylyp geçirilýär. Kursy tamamlan okuwçylara döwlet nusgasyndaky şahadatnamalar we Makeblock kompaniýasynyň şahadatnamalary berilýär.
Robot tehnikasy we programmirleme bilen tanyşmak üçin açyk sapaga geliň!
Тelefon: 141-171
Website: imdatbot.edu.tm
Salgy: Mir-3, Ýaşlar köçesi (Molodezhnaýa), 120 (Plant Mama-nyň ýanynda)
