Mýunheniň “Bawariýasynyň” ýarymgoragçysy Ýozua Kimmih Germaniýanyň milli futbol ýygyndysynyň täze kapitany boldy. Milli toparyň baş tälimçisi Ýulian Nagelsman öz çözgüdini duşenbe güni, 2-nji sentýabrda mälim etdi.
“Ýozua Ýewropa çempionatynda üç kapitanyň biri boldy, şonuň üçin onuň Ilkaý Gündoganyň ornuna birinji belgili dalaşgär bolmagy we galmagy ýerliklidir.
Ol tutuş topar üçin görelde, hemişe yhlasly işleýär, hemişe türgenleşmek isleýär, hatda käwagt aşa köp, hemişe öňe gidýär. Ýewroda ol sag goragçy ornunda oýnuň täze bir ülňüsini kesgitledi” – diýip, Eurosport Nagelsmanyň sözlerini getirýär.
29 ýaşly futbolçy kapitan daňysy bilen 7-nji sentýabrda Dýusseldorfda Milletler ligasynyň çäklerinde Wengriýanyň milli ýygyndysyna garşy oýnar.
Kimmihiň oruntutarlary Antonio Rýudiger we Kaý Hawers bolar, toparyň täze geňeşi bolsa Žonatan Tany, Paskal Grossy, Niklas Fýullkrugy we Mark-Andre ter Ştegeni hem öz içine alar.
