Tesla özüniň köp garaşylan robotaksisini (Robotaxi) Los-Anjelesde Warner Bros. kinostudiýasynda geçiriljek metbugat maslahatynda hödürlemegi meýilleşdirýär. Bu barada Bloomberg-e salgylanyp, IXBT ýazýar.
Anons 10-njy oktýabrda bolar. Gyzykly ýeri, robotaksiniň görkeziljek meýdançasynda, aýratynam, Betmen hakynda filmler we “Dostlar” serialy surata düşürilipdi.
Ilkibaşda Robotaxi bilen bagly çäre 8-nji awgusta meýilleşdirildi, ýöne Maskyň dizaýny üýtgetmek islegleri netijesinde ol yza süýşürildi. Kompaniýa görkeziş üçin prototipleri döretmek üçin hem köp wagt gerek boldy.
Belläp geçsek, bu Tesla-nyň çäre geçirmek üçin Golliwud studiýasyny ilkinji gezek saýlamagy däl. 2016-njy ýylda kompaniýa üçekler üçin Gün panellerini Warner Bros.-dan birnäçe kilometr uzaklykda bolan Universal Studios-da hödürledi.
