Amerikanyň Southwest Airlines awiakompaniýasy robotlary we olaryň akkumulýatorlaryny barlamak maksatly ýüze çykan birnäçe wakalardan soň, öz uçuşlarynda adampsint robotlary daşamagy bütinleý gadagan etdi.
CBS News teleýaýlymynyň habar bermegine görä, bu kararyň kabul edilmegine dallasly telekeçi, robotlary kärendä bermek bilen meşgullanýan Robot Studio kompaniýasynyň eýesi Aaron Mehdizada bilen bagly waka sebäp boldy. Ol boýy takmynan 1,2 metr bolan «Stýui» atly robotyny ýolagçy salonynda alyp gitmäge synanyşdy. Telekeçi robotyny owalbaşda ýük hökmünde resmileşdiräýmegiň deregine, ähtimal, köpçüligiň ünsüni çekmek maksady bilen, oňa aýratyn ýolagçy ýerini satyn alypdyr.
Şu wakadan birnäçe gün öň hem Southwest kompaniýasynyň başga bir uçuşynda meňzeş ýagdaý ýüze çykypdy. Şonda bort barlagçylary oklendli ýolagçynyň robotynyň guratlygyny we onuň litiý-ion batareýasynyň howpsuzlygyny anyklamak üçin köp wagt sarp etdiler we netijede uçuş bir sagat gijä galdy.
Şeýle wakalardan soň, awiakompaniýa asdampsint robotlary we robot-haýwanlary uçaryň salonyna mündrümegi, şeýle hem olary hasaba alnan ýük hökmünde-de kabul etmegi düýbünden gadagan edýändigini yglan etdi.
Kompaniýa öz düşündirişinde bu kararyň litiý-ion akkumulýatorlaryna degişli bolan howpsuzlyk düzgünlerini doly berjaý etmek maksady bilen kabul edilýändigini belleýär.
