Öň model bolan 80 ýaşly aktrisa Enni Judis üç minutda “planka” maşkyny ýerine ýetiren iň garry aýal bolmak bilen, Ginnesiň rekordlar kitabyna girdi. Guramanyň web sahypasy Judisiň bu netijäni gazanan iň garry aýal hökmünde ykrar edilendigini habar berdi.
Enni ýaşlygynda fotomodel we gözellik bäsleşiginiň şa zenany hökmünde tanalýardy. Ol kinoda Jenny Bell lakamy bilen çykyş edip, esasanam, Martin Skorsezanyň “Rehimsiz köçeler” filminde janlandyran keşbi bilen tanalýardy. Ol indi işjeň ýagdaýda fitnes bilen meşgullanýar we “plankany” adaty, yzygiderli türgenleşiginiň bir bölegi hasaplaýar.
Judis ýaşlygynda “plankany” ýedi minutlap saklap bilendigini, bu babatda hatda adamsyndanam üstün bolandygyny aýdýar. Täze rekordy ol 80 ýaş 244 günlükkä goýmak bilen, Ginnesiň rekordlar kitabyna girip, täze rekord goýdy. Onuň iki çagasy we üç agtygy bar.
Aýal-gyzlaryň absolýut rekordynyň kanadaly 58 ýaşly Donna-Jinn Uaýlda degişlidigini bellemelidiris, ol “plankada” 4,5 sagatlap durupdy. Zenan köp ýyllar mekdep mugallymy bolup işledi we ýaňy-ýakynda pensiýa çykdy.
