1-nji sentýabrda “Tapmaça 2” multfilminiň dünýä prokatynda girdeji ýygymy 1,66 mlrd dollardan geçdi. Şeýle netijäni gazanmak üçin oňa iki aýdan gowrak wagt gerek boldy. Bu mukdaryň netijesinde multfilm girdejisi boýunça 1,65 mlrd dollar gazanan “Şa Ýolbars” animasion filminden öňe geçdi.
Öň, taslama taryhda iň köp girdeji gazanan multfilm bolupdy, indi bolsa ol taryhda iň köp girdeji gazanan animasion taslama adyny aldy. Şeýle-de, multfilm taryhda iň girdejili filmleriň sanawynda dokuzynjy orny eýeleýär.
“Tapmaça 2” “Tapmaça” multfilminiň sýužetini dowam etdirýär. Kartinanyň baş gahrymany Raýli Anderson atly gyzjagaz bolup, ol ýetginjeklik döwründe Şatlyk, Gynanç, Gahar, Gorky, Howsala, Çekinjeňlik ýaly dürli duýgulary başdan geçirýär.
Belläp geçsek, multfilm 20-nji awgustda onlaýn çykdy.
