Nobatdaky prokat gününiň netijesi boýunça, “Tapmaça 2” multfilminiň girdejisi 1,452 mlrd dollardan geçdi. Indi Pixar studiýasynyň bu animasion filmi taryhda iň köp girdeji gazanan multfilmleriň sanawynda ynamly birinji orny eýeleýär.
Öň, rekord eýesi “Doňan ýürek 2” multfilmidi – Disney-iň işi öňdebaryjylygy yzygider bäş ýyl saklady. Kartinanyň awtorlary tomaşaçylara goldawlary üçin minnetdarlyk bildirip, baş gahrymanlar bilen orkrytka ýerleşdirdiler:
“Biz dünýäniň ähli künjeginden tomaşaçylaryň “Tapmaça 2-ä” bildiren söýgüsine haýran galýarys. Biziň täsin duýgular attraksionymyza goşulandygyňyz üçin minnetdar”.
Taryhda iň girdejili multfilmleriň ilkinji bäşligi:
- “Tapmaça 2” (Головоломка) – $1,460 mlrd
- “Doňan ýürek 2” (Холодное сердце 2) – $1,451 mlrd
- “Doganlar Super Mario kinoda” (Братья Супер Марио в кино) – $1,361 mlrd
- “Doňan ýürek” (Холодное сердце) – $1,274 mlrd
- “Super maşgala 2” (Суперсемейка 2) – $1,242 mlrd.
“Tapmaça 2” baş gahryman Raýli Andersonyň ýetginjeklik döwri barada gürrüň berýär. Multfilmiň dowamynda birinji bölümdäki Şatlyga, Gynanja, Gorka, Gahara we Ýigrenje täze duýgular: Howsala, Göriplik, Ýürekgysgynçlyk we Çekinjeňlik goşulýar. Lentanyň premýerasy 14-nji iýunda boldy, sanly hyzmatlarda multfilm güýzde çykar.
